facebook

பற்றி எரியும் கப்பலில் இருந்து எண்ணெய் கசிவு ஏற்பட்டால் என்ன நடக்கும்?..


இலங்கை கடற்பரப்பில் பற்றி எரியும் எக்ஸ்பிரஸ் பேர்ல் இரசாயனக் கப்பலில் இருந்து இருந்து ஏதேனும் எண்ணெய் கசிவு ஏற்பட்டால், அது நீர்கொழும்பு குளத்தை நோக்கிச் செல்ல வாய்ப்புள்ளது என்று கணிக்கப்பட்டுள்ளதாக, கடல் சுற்றுச்சூழல் பாதுகாப்பு ஆணையத்தின் தலைவர் தர்ஷனி லஹந்தபுர நேற்று தெரிவித்தார்.

கப்பலில் இருந்து இதுவரை எந்த எண்ணெய் கசிவையும் கண்டுபிடிக்கவில்லை என்றும், எண்ணெய் கசிவு ஏற்பட்டால் அதற்கு உடனடியாக நடவடிக்கை எடுக்க அவர்கள் நன்கு தயாராக இருப்பதாகவும் கூறினார்.

நாங்கள் நீர்கொழும்பு குளம் அருகே உள்ள முக்கிய மண்டலங்களை அடையாளம் கண்டுள்ளோம், அவற்றுக்கு பாதுகாப்பு வழங்க ஏற்பாடுகளை செய்துள்ளோம், என்று அவர் மேலும் கூறினார்.

எந்தவொரு எண்ணெய் கசிவையும் எதிர்கொள்ள மற்ற நிறுவனங்களின் ஒருங்கிணைப்புடன் உறிஞ்சக்கூடிய உபகரணங்களுடன் நாங்கள் தயாராக நிற்கிறோம்," என்று அவர் மேலும் கூறினார்.

இதற்கிடையில், குறித்த கப்பலின் நான்கு கொள்கலன்களின் பாகங்கள் நீர்கொழும்பு கடற்கரையில் கரை ஒதுங்கியுள்ளன. "இந்த குப்பைகளை டிக்கோவிட்ட மீன்வளத் துறை மற்றும் நீர்கொழும்பு துறைமுகத்திற்கு கொண்டு சென்றபின் அவற்றை அப்புறப்படுத்த நடவடிக்கை எடுத்து வருகிறோம்," என்று அவர் மேலும் கூறினார்.

Post a Comment

0 Comments